資料私隱與數據流向

聰明嘅客戶會問：「我啲客嘅對話去咗邊？」呢頁一次過答晒。我哋遵守香港《個人資料（私隱）條例》(PDPO)，並可按需要提供數據處理協議 (DPA)。

數據流向（一句講晒）

訪客輸入 → 我哋香港伺服器儲存 → 遮罩電話號碼 → 傳去 AI 模型生成回覆 → 回覆顯示畀訪客AI 模型供應商唔會用你嘅對話嚟訓練（API 條款保證）。

你關心嘅問題	答案
數據存放喺邊？	我哋自己管理嘅伺服器（香港租用機房，MariaDB 資料庫）。唔會放喺客戶睇唔到嘅第三方 SaaS。
用咩 AI 模型？	標準：DeepSeek API（內地供應商，只傳送已遮罩嘅問題文字，唔傳身份資料）。升級選項：Anthropic Claude API（美國供應商，+$800/月，適合規管行業）。按客戶逐站設定，唔會靜靜雞轉用其他模型。
傳去 AI 之前有咩處理？	系統自動遮罩香港電話號碼（`+852 5/6/9 開頭 8 位` → `[已隱藏電話號碼]`），先至傳去模型。AI 永遠見唔到訪客電話。
AI 識唔識亂噏療效/承諾？	規管行業（醫療、金融等）客戶可開啟「合規守門」模式：AI 一律唔作療效、診斷、法律或投資聲稱，呢類問題直接建議轉介真人。
模型會攞我數據去訓練？	唔會。DeepSeek 同 Anthropic 嘅 API 條款均訂明 API 輸入唔用於模型訓練。
對話紀錄俾邊個睇？	只有你（客戶）同我哋營運團隊。你每月收到查詢報告；你隨時可以要求匯出或刪除你客戶嘅對話數據。
訪客點知情？	對話視窗底部有「AI 生成內容僅供參考」標示。我哋亦建議你喺自己嘅私隱政策加一句 AI 客服說明（我哋提供範本）。
終止服務之後呢？	終止後 30 日內你可以要求匯出全部對話及 leads 數據（CSV）；之後我哋會刪除你站點嘅對話數據。

傳輸加密全站 HTTPS（TLS），API 通訊加密。

存取控制資料庫只限本機連接；API 金鑰、資料庫密碼存放喺獨立保密檔案（權限 600），唔入代碼庫。

跨站隔離每個客戶站點有獨立知識庫同對話空間，A 客嘅對話永遠唔會出現喺 B 客嘅 AI 回覆入面。

頻率限制對話 API 有 per-IP rate limit，防止濫用同撞庫。

想再深入了解？
規管行業（醫療、金融、法律）客戶：我哋可以提供 DPA、改用 Anthropic 模型、開啟合規守門。WhatsApp 我哋傾 → 聯絡我們